النتائج 1 إلى 5 من 5

الموضوع: اماكن الفسح والسهرات في القاهره (بالاسعار

  1. #1
    عضو فضى
    رقم العضوية : 789
    تاريخ التسجيل : Jun 2008
    المشاركات: 118
    التقييم: 10
    الدولة : cairo
    المزاج : ghgkj
    الجنـس : 2
    نوع الهاتف : هشام سر الختم بداى

    افتراضي اماكن الفسح والسهرات في القاهره (بالاسعار

    بمناسبة العيد
    أليكم أخواني الأعضاء بعض الأماكن الشيقه والممتعه في القـــاهره
    ألي تقضوا فيها أوقات ممتعه ومتدفوش كتير
    وأتمنى أن الفكره تنول أعجاب الجميع





    1- اكسبرسو
    المهندسين
    17 شارع شهاب
    الحد الأدنى:5 ج
    ساعات العمل:OPen 24 hrs
    يصلح لسهرة مع أصدقائك، ويستحق ما ستدفعه، ولكن لا تتوقع أن تسمعوا بعضكم فالموسيقى عالية للغاية

    ----------------------------------------------------------------------------------------------------------------------------------------------------------------------------

    2- سبورتس كافيه
    المهندسين
    شارع البطل أحمد عبد العزيز






    مكان جميل جدا ومناسب جدا لمشاهدة المباريات المحليه والعالميه
    السعر::متوسط

    ----------------------------------------------------------------------------------------------------------------------------------------------------------------------------

    3- سبكترا
    المهندسين
    14 شارع عبد الحميد لطفي
    ساعات العمل:07:30 - 01:00
    الحد الأدنى:12ج
    من السهل ادمان ما يقدم من طعام سواء في البيت، العمل، أو في مكانهم الظريف،لا تنس أن "تحبس" بقهوتهم المتعددة النكهات.
    ويوجد به (( أماكن لغير المدخنين ))

    ----------------------------------------------------------------------------------------------------------------------------------------------------------------------------

    4- اوردونيا سنتر
    ((6 أكتوبر))
    الحي السابع مجاورة لجامعة 6 أكتوبر
    ---------------------------------------------------------------------------------------------------------------------------------------------------------------------------

    5- المعمورة
    المنيل
    1 شارع السرايا امام قصر محمد علي
    ساعات العمل:08:00 - 03:00
    الأجازة الأسبوعية:مفتوح طول الأسبوع
    مكان لطيف يطل على الفرع الضيق من النيل، تجنب الذهاب إلى هناك أيام الخميس وإلا وجدت نفسك في فرح
    وأنت متعرفش أي واحد فيهم
    ----------------------------------------------------------------------------------------------------------------------------------------------------------------------------

    6- جراند كافيه
    الجيزة
    باخرة تي جي اي شارع النيل
    الحد الأدنى:21 ج
    ساعات العمل00 -
    سلسلة من الكافيتيريات المكشوفة، شاشات تلفزيون كبيرة،شيشة،و قائمة طعام جيدة
    ----------------------------------------------------------------------------------------------------------------------------------------------------------------------------

    7- سيلنترو
    مدينة نصر(( سيتي سنتر مدينة نصر))
    مصر الجديدة ((87 شارع الميرغني))
    الحي السابع مجاورة لجامعة 6 أكتوبر
    السعر:::متوسط
    الوجبات خفيفة وتناسب تماما استراحة الغذاء وسط يوم العمل – مع وجود نية استكمال ذلك العمل! سلطات طازجة وشوربة ممتازة. اذا كنت لا تزال تشعر بالجوع، جرب سندويتش اللحم المتميز.
    ساعات العمل:24 ساعة

    ----------------------------------------------------------------------------------------------------------------------------------------------------------------------------

    8- فرح
    المهندسين (( 22 شارع عبد الحميد لطفي ))
    المعادي ((شارع النصر، بجوار بنزينة كالتكس ))
    مصر الجديدة(( 100 شارع عمار بن ياسر ))
    السعر:: متوسط
    الأجازة الأسبوعية:مفتوح طول الأسبوع

    ----------------------------------------------------------------------------------------------------------------------------------------------------------------------------

    9- لاجورمانديز
    الجيزة
    فرست مول خلف حديفة الحيوان
    ساعات العمل00 - 19:00
    السعر::غالي
    مكان رومنسي جدا جدا جدا وهي مكان لغير المدخنين

    ----------------------------------------------------------------------------------------------------------------------------------------------------------------------------

    10- مومنتو كافيه
    الدقي
    37 شارع عمان، من شارع محي الدين أبو العز
    السعر::متوسط

    ----------------------------------------------------------------------------------------------------------------------------------------------------------------------------

    11- الفيشاوي
    خان الخليلي
    ساعات العمل:12:00 -00:00
    القهوة الشهيرة فى قلب خان الخليلى، تقدم كافة المشروبات المتاحة فى المقاهى "البلدى"، بما فيها الشيشة المتميزة، مفتوحة 24 ساعة فى اليوم (على ما يبدوالقهوة الشهيرة فى قلب خان الخليلى، تقدم كافة المشروبات المتاحة فى المقاهى "البلدى"، بما فيها الشيشة المتميزة، مفتوحة 24 ساعة فى اليوم
    (( وعلى ما يبدو أن الحجز ضروري ))

    ----------------------------------------------------------------------------------------------------------------------------------------------------------------------------

    12-نجيب محفوظ
    خان الخليلي
    5 سكة البادستان خان الخليلي
    ساعات العمل - 02:00
    الأجازة الأسبوعية:مفتوح طول الأسبوع
    السعر::غالي
    قهوة ومطعم شهير جدا، يدار بكفاءة عالية





    ممكن الدور 26 في جراند حياة متخفوش مش غالي أوي اسمه 69 بس هو مطعم وكافيه والمشكلة إنه في سيبيريت بار

    عندي كام مكان كده ...تحف فنية
    والميزة فيهم انهم في منتهى النضافة والرقي وفي نفس الوقت في منتهى الرخص

    أول حاجة حديقة الأزهر :
    مكان في منتهى الروعة والجمال ..... الدخول بـ5 جنيه والكافيهات اللي جوا من غير منيمم وأسعارها معقولة جدا

    دار الأوبرا :
    طبعا مش المسرح ...انما في الساحة الخارجية مكان جميل لأقصى درجة وفي 3كافيهات واحد جنب مركز الابداع وواحد جوا مركز الهناجر وواحد جنب مكتبة الموسيقى...كافيهات شيك جدا ورخيصة جدا

    ساقية عبدالمنعم الصاوي بالزمالك :
    هو مكان اصلا عبارة عن مركز ثقافي تحت كوبري أبوالفدا في الزمالك ....بس تحفة ...وفيه جزء منه على النيل مباشرة في كافيه صغير (( محدود الامكانيات )) بس الفيو هناك جبااار بمعنى الكلمة و رخيص لأقصى درجة.

    الباشا le pache 1901 المنيمم ب 160 دا كان من سنه تقريبا و هى فيها رقاصه

    و بيفتح الساعه 7 و بيقفل الساعه 2

    عندك امبريال
    بنفس السعر

    و السرايا




    ب 150 مينيمم



    . النايل سيتي Nile City

    وهي سفينة عائمة وثابتة على النيل ايضا وتحتوي على عدة مطاعم منها ستديو مصر و شيلييز وبعد فيه مطعم ناسيته .... والمكان راقي أيضا وفي مستوى الباشا والسرايا.

    و 150 المنيمم

    فرايديز

    وهي عبارة عن سفينة ثابتة على النيل وايضا فيها مجموعة من المطاعم مثل مطعم للاكلات البحرية ومطعم فرايديز ... عجبني ديكور فرايديز. والاسعار على حسب طلبك. وهي قريبة من مجمع الفيرست مول




    سيلينترو المرغني شغال و سعره مهاود ... ممكن مينمم 15 أو 20 مش فاكر الرقم بالظبط

    و برضو قالى إن بلانيت أفريكا Planet Africa اللي فى سفير حلو و ديكوره عالي أوي و العصير فيه ب 17 جنيه

    و واحد تاني قالي إن الكافيه الى فى سيتي ستارز تحت خالص جنب النافورة ... طلب سندويتشين بطاطس و فراخ و عليهم 2 عصير و واحد شاي ب 90 جنيه ... قعدة لذيذة بس مكلفة

    و واحد تالت قالي عليك و على أفخمها فندق ... مثلاً شيراتون المطار ... عشان كان شغال فيه ... كوبايتين عصير مانجا الواحدة ب 30 ... يعني الإتنين 60 و تعد على حمام السباحة و آخر تظبيط ... آه هما 60 جنيه فى 2 عصير ... بس بص للمكان و القعدة الى إنت قاعد فيها عاملة إزاي ... مكان رومانسي و شاعري أوي




    * جراند كافيه المعادي : على النيل .. ممتااااز .. القعده هناك تجنن و ليها أكتر من شكل .. مودرن .. كلاسيك .. و المشروبات هناك من 4 - 10 جنيه .. و السندوتشات من 12-18 جنيه
    بس ضروري تطلب الحساب قبل الساعه 6 .. لأنه من بعد 6 في مينمم 22
    * النايل بولينج:
    تحت كوبري الجامعه .. قدام الـ swizz resturant .. مكان ممتاز .. و المينمم 11 جنيه و ربع
    ب 135 جنيه المينمم


    سفينة جراند حياة
    وهي سفينة متحركة تابعة لفندق جراند حياة وفيها بوفية مفتوح غداء وعشاء ومواعيد الغداء الساعة 2 ظهراً و 5 عصراً ومدة الجولة ساعتين الاسعار 211 جنية للعشاء و 125 جنية للغداء .

    سبورتس كافيه اللى فى المهندسين ..

    الحد الادنى / 25 ج .. و كمان المكان هايل

    أنصحكم فيه بجد .. خصوصا لو رايحين تتفرجوا على متشات الكوره .




    حديقة الأزهر لو حبيت تاكل هناك فيه منيمام 35 جنيه للفرد




    فى مكان جامد جدا
    ال i.p.c
    ده مكان جامد جدا فى كل حاجة ومميزات كتير
    1- السعر 10 جنيه وليك 20 رمية بولينج بالعشرة جنيه ديه

    مكان جامد موووووووووووووت على النيل اسمه نادى نقابه المحامين
    القاعده هناك جامده مووووووووووووووت والاسعار رخيصه جدا المنجه ب 3 جنيه والشيش طاووق ب5 جنيه
    والقاعده على النيل تفتح النفس وتخلى الكلام طالع منك زى السكينه فى الحلاوه
    بس العيب الوحيد انه للمحاميين بس
    لو ليك حد محامى خد كارنيه النقابه وادخل وادعيلى

    تريانون
    والمكان ده تحفة بصراحة انا مروحتش الفرع بتاعه اللى بيقولو انه فى الازهر باركبس جربت بتاع المهندسين واسكنرية والاحسن منهم الفرع اللى قدام شيراتون القاهرة
    بصراحة الفرع ده قنبلة والفيو فيه تحفة
    وعلى فكرة الميني مم فيه مش كتير
    هو على ما اتذكر 25جندى طول الاسبوع ماعدا الخميس والجمعة بيكون 35 عشان بيبقى فى باند
    بس بصراحةكل اللى هتشربوه هناك تحفة وخاصة الشوكليت فادج

    النايل بولينج رخييص جدا وموقعه بجد جاامد جدا المنيمم بتاعه ب 11 جنيه بس وممكن تاكل واحد سندوتش بانيه وبيبسي وتدفع 14 جنيه بس..دة مكاني المفضل
    في كنووز في سيتي ستارز منصحش بيه عشان غاالي وخنييق جدا وتحسه ضيق اوي رغم ان مساحتة كبيرة جدا..واحد شيشة واتنين موكا يعملولهم بتاع 40 ولا 50 جنيه متعرفش على ايه..
    عندك داار القمر مطعم لبنااني شكلة قشطة بس بصراحة منصحش بيه خااالص..يرسملك سندوتش تحسه يشبع 10 فألاخر يطلع بتاعة مفعوصة ومألحفة كدة..وبياخدو بتاع 7 جنيه خدمة وباردو متسألنيش ليه..
    في سيدي منصور فضهر مصطفى محموود كافيه لذيذ ومتخفي كدة وهادي ومنك للسما على طوول..
    عندك كافيه هادي باردو وجمييل جدا قبل النايل بولينج عند كوبري عباس رخييص جدا ومن غير منيمم..تاكل سندوتش وتشرب كابتشينو ولا حاجة ب12 جنيه مثلا..بس لازم لطلبه كليه شرطة..بيشوفو الكارنيهات..
    وطبعا طبعا الراااااااائعه جدا الازهر بارك دي تحفة بجد..تتمشى فيها وفي جواها عند لعب الاطفال كشك كدة هات من عندة بيبس وشيبس وشوكو وظبط حياتك تقريبا زيادة بتاع نص جنيه عن برة اسعارة وتقعد فأي حتة هناك كراسي..انا شخصيا بحب انام عالحشيش هناك المنظر والجو ملهمش حل بأمانه..
    عندك ستار بكس فالكربة مصر الجديدة وفي سيتي ستارز تحت وموجود في اسكندرية عالكورنيش عند سان ستيفانو باردو جامد جدا واسعاره مش غاليه اوي تقريبا نفس كوستاوسلينترو..
    تايجر اللي في السراج مول جامد باردو وهادي واسعاره مش غاليه تماما..
    ولو معاك عربيه انت واصحابك ونفسك تشرب حاجة ولا تاكل حاجة فاللذيذ اطلع على ميدان الحجاز فمصر الجديدة محل اسمه العائلات اضرب من عندة فخفخينا بالايس كريم ب 3.5 جنيه ورووووعه او اضرب بوريو بجد ملوووش حل ب 5 جنيه..
    او اشرف فرغلي اللي فضهر جنينه مول باردو جااااااامد العصاير هناك وكلها فاللذيييذ..وطبعا فرغلى جامعة الدول ملوش حل ..
    ولو حبيت فروت سلات بالايس كريب انصحك بمحل اسمه ماجيك فروكسي جاامد ورخيص

    هقلك على مكان اشترى كنز انت وصحابك وروح اقعد على النيل



    فيه نادي المعلمين في الجزيره

    مكان لقائات المنتدى

    اسعاره ظريفه جدا ً


    وفيه مكان اللقائات السابق الحديقه الدوليه بمدينة نصر


    برضو مكان ظريف بس اسعاره اغلى شويتين


    قهوة شيبوب بشارع غرب القشلاق بالعباسيه

    قهوه شعبيه وبأسعار جامده اوووووووووي

    الموضوع منقول

    بس هو عجبني اووووووووووووووووووي

  2. #2
    عضو أبوهوري رائع بالمنتدى
    رقم العضوية : 3628
    تاريخ التسجيل : Mar 2010
    المشاركات: 2,895
    التقييم: 14067
    المزاج : مصطفى محمد
    الجنـس : 1

    افتراضي رد: اماكن الفسح والسهرات في القاهره (بالاسعار


  3. #3
    عضو أبوهوري رائع بالمنتدى
    رقم العضوية : 11
    تاريخ التسجيل : Sep 2007
    المشاركات: 2,681
    التقييم: 10
    الدولة : القاهرة - الدوحة
    العمل : محاسب
    المزاج : عمرو خليل عوض محمد
    الجنـس : 1

    افتراضي رد: اماكن الفسح والسهرات في القاهره (بالاسعار


    مشكورة الأخت / غفران علي هذا الموضوع ...وياريت تنزلي موضوع نفس النهج بالسويس والأسكندرية ... ولكي جزيل الشكر

  4. #4
    عضو فضى
    رقم العضوية : 789
    تاريخ التسجيل : Jun 2008
    المشاركات: 118
    التقييم: 10
    الدولة : cairo
    المزاج : ghgkj
    الجنـس : 2

    افتراضي رد: اماكن الفسح والسهرات في القاهره (بالاسعار

    شكرا للاستاذ عمرو على مرورك وبالفعل انزلت موضوع خاص بالاسكندرية لكن محافظة
    السويس للاسف لم اجد

  5. #5
    عضو أبوهوري رائع بالمنتدى
    رقم العضوية : 11
    تاريخ التسجيل : Sep 2007
    المشاركات: 2,681
    التقييم: 10
    الدولة : القاهرة - الدوحة
    العمل : محاسب
    المزاج : عمرو خليل عوض محمد
    الجنـس : 1

    افتراضي رد: اماكن الفسح والسهرات في القاهره (بالاسعار

    مشكورة الاخت الفاضلة /غفران ...علي التلبية لموضوع الاسكندرية ومشكورة لسعيك عن موضوع لمدينة السويس ...لكي جزيل الشكر ..نتمني لكي التوفيق والتقدم في هذا القسم

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

توزيع غزل همسات عراقية