طريقة عمل لانشون في البيت بدون فراخ ولا لحمه

[أم هناد]

هذه طريقة عمل اللانشون في المنزل بدون إستخدام اللحمه أو الفراخ و طعمها رائع جدا ومجربه أكتر من مره

المقادير


3 مثلثات جبنة(كيري او بريزيدون او لافاشكيري او اي نوع)
3مكعبات مرقة دجاج(ممكن يبقو اتنين لو مش عايزاها مالحة اوي)
3فصوص ثوم
3حبهان
3بيضات
3 ملاعق ك دقيق
نص كوبايه زيت
ولون طبيعي احمر(من عند العطار) بمقدار حباية فلفل اسود او مثل راس الدبوس فقط


الطريقه
1)تضعي كل المكونات في الخلاط
بس خدي بالك تفركي مرقه الدجاج بايدك الاول
وكمان خدي بالك ان اللون الطبيعي يبقي بمقدار راس الدبوس بس عشان مايبقاش غامق اووي ويبقي لونه فاتح زي الجاهز بالضبط

2)تضعي المقدار في كوبين ستانلس مدهونين بالزيت (المقدار هايعمل كوب ونص)
وخدي بالك ان الخليط بيرتفع يعني تتركي مسافة قليله في الكوب
وان لم يكن لديك كوب ستانلس يبقي في اي كوب يتحمل الحراره

3)تضعي الاكواب في حله بها ماء (مثل طريقه الكريم كراميل) لكن تغطي الحلة

وتترك تغلي لمده ساعة الاربع

4)اقلبي الكوب في طبق وممكن تدوري بالسكينة حول اللانشون عشان يسهل نزوله

واخيرا قطعيه شرائح و ألف صحه وعافيه



اللهم إسقنا من حوض نبيك محمد شربة هنيئه لانظمأ بعدها أبدا
ءاميييييييييييين

[فراشة المنتدى الابوهورى]

[عبداللطيف عثمان توفيق صديق]

[يــارا]

[حمزه صلاح الدين امام حسين]

[أم هناد]

الي الإخوه والأخوات الكرام(فراشة المنتدي _عبد اللطيف_يارا _حمزاوي)
جزاكم الله خيرا علي التشجيع

[عبدالمنعم عثمان توفيق]

[أم هناد]

جزاك الله خيرا

[دهب دخاب]

تسلم ايدك اخت ام هناد

[وائل عبدالنبى ابوبكر]

تسلم الايادى ام هناد